ခေါင်းစဉ်မတပ်တတ်သော ကဗျာ

မင်းရင်ထဲမှာ ၀မ်းနည်းမှုတွေ ရှိနေရင်
မင်းကို ပျော်စေချင်တဲ့
လူတစ်ယောက်ရှိနေတယ်ဆိုတာ
သတိရပြီး
ပျော်ပျော်နေပါနော်။
မင်းဘ၀မှာ အလိုချင်ဆုံးအရာတွေ
ဆုံးရှုံးခဲ့ပြီဆိုရင်
မင်းကို အမြဲတမ်းသတိရ၊ လွမ်းနေမယ့်
လူတစ်ယောက်ရှိတယ်ဆိုတာ သတိရပြီး
အားမငယ်ပါနဲ့နော်။
မင်း အထီးကျန်ဆန်တယ်လို့
ခံစားလာရတဲ့အခါ
မင်းကို ဆီကြိုနေမယ့်
လူတစ်ယောက်ရှိတယ်ဆိုတာ
သတိရပြီး ပြေးလာခဲ့ပါနော်။
မင်းသွားတော့မယ်ဆိုရင်
နောက်ဆုံးအနေနဲ့
ငါကို နှုတ်ဆက်ဖို့ မမေ့ပါနဲ့နော်။
အခုတော့ မင်းကို ငါ့စွန့်လွှတ်လိုက်ပြီ
ဒါပေမယ့် မေ့လိုက်တာတော့ မဟုတ်ဘူးနော်။ ။
ဆောင်းနှင်းဖြူ

တိတ်တဆိတ်ပျောက်ကွယ်သွားသော ကြယ်လေးတစ်ပွင့်

ကျွန်မနာမည်က ကြယ်လေးလို့ ခေါ်တယ်။ ကျွန်မရဲ့ နာမည်ရင်းတော မဟုတ်ပါဘူး။ ကျွန်မ သဘောကျ လို့ ကျွန်မကိုယ်တိုင်း ပေးထားတဲ့ နာမည်လေးပါ။ ကျွန်မက ကြယ်လေးတွေကို အရမ်းသဘောကျတာ။ ညဘက်ဆို ရင် ကောင်းကင်မှ ကြယ်လေးတွေ ပြည့်နေတာမြင်ရင် စိတ်ထဲမှာ အလိုလိုပျော်နေမိတတ်တယ်။ ကျွန်မကြားဖူးတာ ရှိတယ်။ ကြယ်လေးတွေ ကြွေကျတာ မြင်လို့ ဆုတောင်းရင် ဆုတောင်းပြည့်တယ်တဲ့။ တစ်ချို့ပြောတာက ကြယ်ကြွေတယ်ဆိုတာ နတ်သား၊ နတ်သမီးတွေ နတ်သက်ကြွေတာတဲ့။ တစ်ချို့က ဥက္ကာပျံလေးတွေ ကြွေကျတာ တဲ့။ ဘာပဲဖြစ်ဖြစ်လေ ကျွန်မကတော့ ကြယ်လေးတွေ ကြွေကျတာမြင်ရင် အရမ်းပျော်တယ်။ ကြယ်လေးတွေ ကြွေကျတိုင်းလည်း သူနဲ့ပတ်သက်ပြီး ကျွန်မဆုတောင်းနေမိတယ်။ သူနဲ့ပတ်သက်ပြီး ကျွန်မဘာတွေ ဆုတောင်းလဲ ဆိုတာကိုတော့ တစ်နေ့နေ့မှာ ကျွန်မ သူကို ပြောပြမှာပါ။ တစ်ခါတစ်လေကျရင် ကြယ်လေးစဉ်းစားမိတယ်။ ကြယ်လေး ကြယ်ကြွေတာမြင်ရင် ဆုတောင်းသလို့ သူရော ကြယ်ကြွေတာမြင်ပြီး ဆုတောင်းနေမလား။ ဘယ်လိုပဲ ဖြစ်ပါစေ ကြယ်လေး သူ့အတွက် အမြဲဆုတောင်းပေးနေမှာပါ။ ကြယ်လေးတွေ လင်းလက်နေတဲ့ ကောင်းကင်ကို ကြည့်နေရတာ ကျွန်မအရမ်းပျော်တယ်။ ပြီးတော့ အဲ့ဒီကောင်းကင်မှာပဲ ကျွန်မနာမည်ပေးထားတဲ့ သူနှစ်ယောက်ရှိသေးတယ်။ တစ်ခုက လမင်းကြီးလေ။ အဲ့ဒီလမင်းကြီးက ကိုကိုလို့ ကျွန်မ nickname ပေးထားတဲ့ လူတစ်ယောက်။ နောက်တစ်ခုက လမင်းကြီးအနားမှာ ရှိတဲ့ သောကြာကြယ်လေးပေါ့။ အဲ့ဒီ သောကြာကြယ်လေးက ကျွန်မပေါ့။ လမင်းကြီးနဲ့ သောကြာကြယ်လေးက သိပ်တော့ မနီးပါဘူး။ ဒါပေမယ့် သူတို့က နေရာတစ်ခုတည်းမှာ ဘေးချင်းကပ် ရပ်တည်နေကြတာလေ။ ကောင်းကင်ကြီးနဲ့ မြေကြီးလို့ မျက်နှာချင်းဆိုင် မြင်နေရပြီး ဝေးနေရတာ မဟုတ်ဘူးလေ။ ညဘက်ကောင်းကင်ကြီးမှာ လမင်းကြီးရယ်၊ သောကြာ ကြယ်လေးရယ်၊ တစ်ခြားကြယ်ကလေးတွေ အများကြီးရှိနေတဲ့ အချိန်ဟာ ကျွန်မပျော်နေတဲ့ အချိန်ပေါ့။ အဲ့ဒီလို့ အချိန်မျိုးဆိုရင် ပြတင်းပေါက်နားမှာ ထိုင်ပြီး အဲ့ဒီလူနဲ့ပတ်သက်တဲ့ ကဗျာလေးတွေ စပ်နေတတ်တယ်။ ပြီးတော့ သူ့အကြောင်းတွေကို တွေးနေတတ်တယ်။ အဲ့ဒီ ကိုကို ဆိုတဲ့လူနဲ့ပတ်သက်ပြီး သူ့ရဲ့အတိတ်ကိုလည်း ကြယ်လေး မသိချင်းသလို့ သူ့ရဲ့အနာဂတ်မှာ ဘာဖြစ်မယ်ဆိုတာကိုလည်း မသိချင်း၊ မတွေးချင်းဘူး။ ဒါပေမယ့် ပစ္စုပ္ပန်မှာ သူကို ပျော်စေချင်တယ်။ ကြယ်လေး သူ့ကို ပျော်အောင်လုပ်ပေးချင်တယ်။ သူက အမြဲတမ်း ရုပ်တည်ကြီးနဲ့ နေတတ်တယ်။ ကြယ်လေးက သူပျော်နေတာကို အမြဲတမ်းမြင် ချင်တာ။ ဒါပေမယ့် ကြယ်လေးကိုယ်တိုင်ကလည်း အနေအေးတော့ သူကို ဘယ်လိုပျော်အောင် လုပ်ပေးရမလဲဆို တာကို ကြယ်လေး မသိဘူး။ အဲ့ဒီ ကိုကို ဆိုတဲ့လူကို ကြယ်လေးစသိတာကတော့..............
ကြယ်လေးမှာ လင်းလက်နဲ့ ဂျူးဂျူးဆိုတဲ့ ခင်ဖို့၊ ချစ်ဖို့ကောင်းတဲ့ သူငယ်ချင်းနှစ်ယောက် ရှိတယ်။ ကြယ်လေးတို့ သူငယ်ချင်း (၃) ယောက် ကွန်ပျူတာသင်တန်းတစ်ခု တက်ကြတယ်လေ။ အခုဆို ကြယ်လေးတို့ သင်တန်းတက်နေတာ နှစ်ပတ်ရှိနေပြီ။ ကြယ်လေးက ပတ်ဝန်းကျင်ကို သိပ်မကြည့်တတ်တဲ့အတွက် အခန်းထဲမှာ လူဘယ်နှစ်ယောက်ရှိလဲဆိုတာကို ကြယ်လေး သတိမထားမိပါဘူး။ ဒါပေမယ့် တစ်နေ့မှာ လူတစ်ယောက်ကို သတိထားမိဖို့ ဖြစ်လာခဲ့တယ်။ အဲ့ဒီနေ့က သင်တန်းကို ကြယ်လေးတစ်ယောက်တည်း လာခဲ့ရတယ်။ လင်းလက်နဲ့ ဂျူးဂျူးက သူတို့ကျောင်းကိစ္စတွေကြောင့် လိုက်မလာနိုင်ခဲ့ဘူး။ သင်တန်းကို ကြယ်လေး အစောကြီးရောက်သွားတယ်။ ဒါပေမယ့် ကြယ်လေးထက်စောတဲ့သူ ရှိနေတယ်။ သူက စက်တစ်လုံးမှာ ရုပ်တည်နဲ့ထိုင်နေပြီး ဘယ်သူကိုမှ ဂရုစိုက်တတ်တဲ့ ပုံလည်း မရဘူး။ ကြယ်လေးလည်း သူကို တစ်ချက်ကြည့်ပြီး ကြယ်လေးလုပ်စရာရှိတာတွေကို ဆက်လုပ်နေလိုက် တယ်။ နောက်နေ့တွေမှာ ကြယ်လေးလေ အဲ့ဒီလူကြီးကို သတိထားကြည့်မိလာတယ်။ အဲ့ဒီလူကြီးရဲ့ နာမည်ကို ကြယ်လေး ခုထိ မသိသေးဘူး။ အဲ့ဒါကြောင့် အဲ့ဒီလူကြီးကို ကိုကိုလို့ ကြယ်လေး လျှို့ဝှက်နာမည် ပေးလိုက်တယ်။ ကြယ်လေးတို့သူငယ်ချင်းတွေမှာ အကျင့်တစ်ခုရှိတယ်။ နာမည်ကို နာမည်အတိုင်းမခေါ်ပဲ လျှို့ဝှက်နာမည်ပေးပြီး ခေါ်တတ်ကြ တယ်။ သူတို့ရှေ့မှာ သူတို့အကြောင်း ပြောနေလည်း သူတို့မသိကြဘူး။ ဒီနေ့ ကြယ်လေးတို့ သူငယ်ချင်း (၃) ယောက် အခန်းထဲကို မ၀င်သေးပဲ အခန်းရှေ့မှာ ရပ်နေကြတယ်။ ကိုကိုလာနေတာကို ကြယ်လေး လှမ်းတွေ့နေရတယ်။ ကိုကိုက လမ်းလျှောက်ရင် ဘေးဘီဝဲယာကို မကြည့်တတ်။ သူ့ရှေ့မှာရှိတဲ့ မြေကြီးကိုပဲ ကြည့်သွားတာ။ ကိုကို အဲ့ဒီလို့ မြေကြီးကို ကြည့်သွားရင် ဘာတွေများ ကောက်ရထားဖူးသလဲလို့ တစ်ခါတစ်လေ ကြယ်လေး နောက်ချင်တယ်။ တစ်ခါတစ်လေ ကိုကို လန့်သွားအောင် ရှေ့ကနေ သွားခြောက်ချင်တယ်။ ဒါပေမယ့် ကြယ်လေးက ကိုကို့ကို ကြောက်တယ်။ ကြယ်လေး မလုပ်ရဲပါဘူး။ နောက်ရှိသေးတယ် ကိုကိုက အောက်ပုဆိုးစနှစ်ဘက်ကို ကိုင်ပြီး လမ်းလျှောက်တတ်တဲ့ အကျင့်ရှိတယ်။ တစ်နေ့ကျ ရင် အဲ့ဒီလို့ ပုဆိုးစနှစ်ဘက်ကို ကိုင်ပြီး လမ်းလျှောက်တာ ကြယ်လေးမကြိုက်တဲ့အကြောင်း ကိုကိုကို့ ပြောပြရအုံးမယ်။ ကိုကို အခန်းထဲဝင်သွားတော့ ကြယ်လေးတို့သူငယ်ချင်း (၃)ယောက် လည်း အခန်းထဲကို ၀င်လာကြတယ်။ ခဏနေတော့ ဆရာရောက်လာပြီး သင်တန်းပို့ချတယ်။ အခုဆို ကြယ်လေးတို့ သင်တန်းတက်တာ တစ်လကျော်နေပြီ။ အခန်းထဲက သင်တန်းဖော်တွေကို မျက်မှန်းတန်းမိလာတယ်။ နာမည်တွေတော့ မသိသေးဘူး။ ကိုကို့ကိုလည်း အခုထိနာမည် မသိသေးဘူး။ တစ်နေ့တော့ ဆရာက ကြယ်လေးကို ဒီစက်က ''..........'' သူ မလာဘူးလားလို့ မေးတယ်။ ကြယ်လေးလည်း ကိုကုို့ မေးမှန်းသိပါတယ်။ အဲ့ဒါကြောင့် ခပ်အေးအေးအစ်ကိုကြီးကို ပြောတာလား ဆရာလို့ ကြယ်လေးပြန်မေးလိုက်တော့ '' သူက အေးလို့လား သမီးတဲ့ '' ။ ကြယ်လေးလည်း ဘယ်သိမလဲဆရာ ။ အေးတယ်ထင်လို့ ပြောတာပေါ့လို့ ဆရာကို စိတ်ထဲက ပြန်ပြောမိတယ်။ အပြင်မှာတော့ မပြောရဲပါဘူး။ ဒီလို့နဲ့ ၀ါဆိုလပြည့်နေ့ ရောက်လာခဲ့တယ်။ အဲ့ဒီ နေ့မှာ ဆရာက သူ့အိမ်မှာ ၀ါဆိုသင်္ကန်းကပ်လို့ ကြာဆံချက် ကျွေးတယ်ဆိုပြီး ကြယ်လေးတို့ သင်တန်းသားတွေကို သူ့အိမ်ကို ခေါ်သွားတယ်။ စားပွဲဝိုင်းမှာ ထိုင်တော့ ကိုကိုနဲ့ကြယ်လေးက မျက်နှာချင်းဆိုင်ထိုင်ပြီး စားရတာ။ ကြယ်လေးက ငရုတ်သီး ကြိုက်တော့ ငရုတ်သီး ထည့်စားတာပေါ့။ ကြယ်လေးက အစပ်အရမ်းကြိုက်တယ်လေ။ ဒါပေမယ့် ကြယ်လေး ငရုတ်သီး သီးသွားတယ်။ ကြယ်လေး မျက်နှာတစ်ခုလုံး ရဲနေမယ်ဆိုတာ ကြယ်လေး သိတယ်။ ကိုကိုနဲ့ မျက်နှာချင်းဆိုင်ဆိုတော့ ပိုဆိုးတာပေါ့။ ကြယ်လေးက ကိုကိုနဲ့ မျက်နှာချင်းဆိုင်ရမှာ အရမ်း ကြောက်တယ်လေ။ ကိုကို သင်တန်းမလာတဲ့အခါ ကြယ်လေး ပျင်းနေတတ်ပေမယ့် ကိုကိုလာတဲ့ အခါကျရင်လည်း ကိုကိုနဲ့ဝေးဝေးမှာပဲနေမိတယ်။ ကောင်းမလေးတစ်ယောက်ယောက်နဲ့ ကိုကို စကားပြောနေတာ မြင်တဲ့အချိန်ကြရင် ပိုပြီး ဝေးအောင်နေမိတယ်။ ဘာဖြစ်လို့လဲဆိုတော့ ကြယ်လေးက စိတ်တိုတတ်လို့လေ။
ဒီနေ့ ကြယ်လေးသင်တန်းသွားရတာ ခေါင်းသိပ်မကြည်ဘူး။ သင်တန်းခဏနားတော့ လင်းလက်နဲ့ ဂျူးဂျူးက canteen သွားဖို့ ကြယ်လေးကို ခေါ်တယ်။ ဒါပေမယ် ကြယ်လေးလည်း ခေါင်းနည်းနည်းမူးလို့ မလိုက်တော့ဘူးလို့ ပြောလိုက်တော့ သူတို့နှစ်ယောက်လည်း သူငယ်ချင်းသစ်တွေနဲ့ canteen ကို ထွက်သွားကြတယ်။ သူတို့လည်း ကြယ်လေး ခေါင်းမူးနေလို့ အမြန်ပြန်လာခဲ့ကြတယ်။ ဒါပေမယ့် သူတို့ပြန်ရောက်လာတော့ ကြယ်လေးကို သတင်းတစ်ခု ပြောပြတယ်။ ကိုကိုက ကောင်းမလေးတစ်ယောက်ကို လက်ဆောင်ပေးတယ်တဲ့။ ကြယ်လေးလေ ကိုကိုက အဲ့ဒီလို့လက်ဆောင်ပေးတတ်တဲ့ လူမျိုးလို့ တစ်ခါမှ မတွေးထားဘူးတော့ ကြားကြားချင်း အရမ်းအံ့သြသွားပြီး သူငယ်ချင်းနှစ်ယောက်ကို ဘာပြန်ပြောရမှန်း မသိတော့ဘူး။ သူ့စိတ်နဲ့ သူ့ကိုယ် လက်ဆောင်ပေးတာ ကြယ်လေးနဲ့ ဘာဆိုင်လဲ၊ အဲ့ဒီလို့ ပေးရလို့ ကိုကိုပျော်တယ်ဆိုရင် ပြီးတာပဲလို့ တွေးပေမယ့် မျက်ရည်တွေက စီးကျလာတယ်။ အဲ့ဒီနောက်ပို်င်း ကိုကိုကို့ ကြယ်လေးလေ ပိုရှောင်လာတယ်။ သင်တန်းလာရတာလည်း မပျော်ဘူး။ ဒါပေမယ့် ကိုကိုက ကြယ်လေးကို စကားလာပြောရင် ကြယ်လေးက စိတ်ဆိုးပြေသွားပြန်ရော။ ကိုကိုကတော့ ကြယ်လေးဘာဖြစ်နေ မှန်း မသိပဲ သူရဲ့အတန်းဖော်တစ်ယောက်အနေနဲ့ စကားလာပြောပြီး သူဘာသာသူနေတယ်။ အဲ့ဒါ ကိုပဲ ကြယ်လေးက ပျော်နေတာ။ ကြယ်လေးလေ သူငယ်ချင်းတွေနဲ့အတူ ကိုကိုကိုလည်း forward mail တွေ လုပ်မိပါတယ်။ ဒါပေမယ် ကိုကိုက တစ်ခါမှ မေးလ်ပြန်မပို့ခဲ့ဘူးလေ။ ကြယ်လေးလေ ကိုကိုများ မေးလ်ပို့ထားမလားဆိုတဲ့ အတွေးနဲ့ အမြဲတမ်းမေးလ်စစ်တယ်။ ဘာလိုလိုနဲ့ ခရစ္စမတ်နေ့တောင်ရောက်တော့မယ်နော်။ ခရစ္စမတ်နေ့မှာ ကိုကိုများ မေးလ်ပို့ထားမလားဆိုတဲ့ အတွေးနဲ့ ကြယ်လေးပိုပျော်တယ်။ ဒါပေမယ် ကိုကိုလေ ကြယ်လေးကို မေးလ်ပို့မထားဘူး။ ကြယ်လေးလည်း ကိုကို့ကို မပို့ဘူး။
Happy New Year ညလေးဟာ ကြယ်လေး ဘယ်တော့မှ မေ့မှာမဟုတ်တဲ့ ညလေးတစ် ညပေါ့။ အဲ့ဒီ ဒီဇင်ဘာ ၃၁ ရက်နေ့မှာ ကိုကိုရဲ့ စက်မှာ CD ချပ်လေးတစ်ချပ်တွေ့လို့ ကြယ်လေး အတွက် လင်းလက်က ယူလာပေးတယ်။ ဒီဇင်ဘာ ၃၁ ရက်နေ့ညမှာ ၁၂ နာရီ ကျော်တဲ့အထိကို သူငယ်ချင်းတွေနဲ့ ပျော်ခဲ့ပါတယ်။ ဒါပေမယ့် ကိုကိုရဲ့ CD ချပ်ကို ကြည့်ပြီးတဲ့နောက်မှာ ကြယ်လေး ရဲ့ အပျော်တွေ အကုန်ပျောက်ကွယ်သွားတော့တယ်။ ကြယ်လေးရဲ့ ပါးပြင်နှစ်ဖက်မှာ မျက်ရည် တွေနဲ့ပဲ စိုရွဲနေတော့တယ်။ ကြယ်လေး ငိုနေပေမယ့် ကြယ်လေးရဲ့ သူငယ်ချင်းတွေက မသိကြပါဘူး။ သူတို့တွေလည်း ဆော့တာများပြီး ပင်ပန်းလို့ အိပ်နေကြပြီလေ။ ကြယ်လေးတစ် ယောက်တည်း မအိပ်နိုင်ပဲ မျက်ရည်တွေနဲ့ မိုးလင်းခဲ့ရတယ်။ ကိုကိုရယ် တစ်ခြားကောင်းမလေး တစ်ယောက်ရဲ့ ဓာတ်ပုံအကုန်နီးပါးလုံး ကိုကိုရဲ့ CD ချပ်ထဲမှာ ဘာလိုရှိနေရတာလဲ။ ဘာဖြစ်လို့ Folderကို '' ....... '' အဲ့ဒီလို့ နာမည်ပေးထားရတာလဲ။ ကိုကိုရယ် နောက်ဆိုရင် ကိုကိုနဲ့ပတ်သက်တဲ့အရာတိုင်းကို မေ့ပြီး အတန်းထဲမှာ မထားခဲ့ပါနဲ့နော်။ ကြယလေးက ကိုကိုနဲ့ ပတ်သက်တဲ့အရာတိုင်းကို အရမ်းသိချင်နေမိလို့ပါ။ သိရတိုင်းလည်း ကြယ်လေးပဲ နာကျင်ရတယ်။ ကြယ်လေးပဲ ငိုရတယ်။ ၀မ်းနည်းရတယ်လေ။
ကြယ်လေးတို့ သူငယ်ချင်းတွေ ဗေဒင်သွားတွက်ကြတယ်။ ဗေဒင်ဆရာက ကြယ်လေးကို ဘုရားမှာ နှင်းဆီပန်း မလှူရဘူးတဲ့။ ဒီနှစ်ထဲမှာ ကြယ်လေးအတွက် အသက်အန္တရာယ် ထိခိုက်နိုင်တယ်တဲ့။ ကိုကိုလည်းအတူတူပဲ။ ရုတ်တရက် accidence ဖြစ်မယ်တဲ့။ ကိုကို့အတွက် ဘုရားမှာ စာကလေး သက်စေ့လွှတ်ပေးရမယ်။ နှင်းဆီပန်းလှူရမယ်တဲ့။ အဲဒီ့ယတြာကို ကိုကို့မွေးနေ့မှာချေရမှာတဲ့။ အဲဒါမှပြသနာ။ ကြယ်လေးက ဘုရားမှာနှင်းဆီပန်းမလှူရဘူးတဲ့။ ဒါပေမယ့် ကိုကို့အတွက်က ပိုအရေးကြီးတယ်လေ။ ရှေ့အပတ်ထဲမှာ ကိုကိုက နိုင်ငံခြားသွားမှာဆိုတော့ ဘာပဲဖြစ်ဖြစ် ကိုကို့အတွက်တော့ ကြယ်လေး ယတြာချေပေးရမယ်။
ကိုကို့မွေးနေ့မှာ ကြယ်လေးလည်း လင်းလက်နဲ့ ဘုရားကိုလာခဲ့တယ်။ ဂျူးဂျူးကတော့ မအားလို့မလိုက်ဖြစ်ဘူးလေ။ ကိုကို့အတွက် ဘုရားမှာနှင်းဆီပန်းလှူပေးတယ်။ စာကလေး သက်စေ့လွှတ်ပေးဖို့ပဲကျန်တော့တယ်။ ကြယ်လေးနဲ့လင်းလက်လေ စာကလေး ရောင်းတဲ့အသည်လိုက်ရှာပေမယ့် ဘယ်မှာမှ ရှာမတွေ့ဘူ့းဖြစ်နေတယ်။ ဒီနေ့မှ စာကလေးရောင်းတဲ့အသည်တွေ ဘယ်ရောက်နေမှန်းမသိတော့ပါဘူး။ ဟော-------- ဟိုမှာတွေ့ပါပြီ။ စာကလေးငှက်ရောင်းတဲ့အသည်ကို ကားလမ်းတစ်ဖက်မှာ။
ကိုကိုအတွက် စာလေးငှက် (၂၉) ကောင်းကို ၀ယ်လိုက်တယ်။ ကြယ်လေးက လိုချင်တာတစ်ခုရပြီဆိုရင် အရမ်းပျော်တတ်တဲ့ အကျင့်ရှိပြီး ပတ်ဝန်းကျင်ကိုလည်း မေ့သွားတတ်တယ်။ အခုလည်း ကြယ်လေးလိုချင်တာ ရပြီဆိုတော့ ငှက်ကလေးတွေ လွှတ်ဖို့ ကားလမ်းတစ်ဖက်မှာရှိတဲ့ ဘုရားကို သွားဖို့ပဲ စိတ်ကူးရှိတယ်။ ပြီးတော့ ကားလမ်းကိုပြေးကူးခဲ့တယ်။ လင်းလက်က ကြယ်လေး မကူးနဲ ဦးလို့ လှမ်းတားတယ်။ ဒါပေမဲ့မမှီတော့ဘူးလေ။ ဒုန်း..ဆိုတဲ့အသံပဲ လင်းလက်ကြားလိုက်ရတယ်။
ကြည့်လိုက်တော့ ကြယ်လေးက သွေးအိုင်ထဲမှာ လဲနေတယ်။ ကြယ်လေးလေ ကိုကိုအတွက် ယတြာမပြီးမှာ အရမ်းကြောက်နေတယ်။ သွေးအိုင်ထဲကနေ ကြယ်လေးက ငှက်ခြင်းလေးယူပေးဖို့ လင်းလက်ကို ပြောနေတယ်။ လင်းလက်အရမ်းကို စိတ်ထိခိုက်သွားတယ်။ သူငယ်ချင်းအတွက်လည်း အရမ်းစိတ်မကောင်းဖြစ်နေတယ်။ လင်းလက် ငှက်ခြင်းလေးကို ယူပေးလိုက်တယ်။ ကြယ်လေးသူငယ်ချင်း ကြယ်လေးအတွက် ဘယ်လောက်ထိ စိတ်ထိခိုက်နေတယ်ဆိုတာ ကြယ်လေးသိပါတယ်။ ဒါပေမဲ့ သူငယ်ချင်းရယ် ငါကိုနားလည်ပေးပါနော်။ ကိုကို့ကိုယ်လည်း မမုန်းပါ နဲ့နော်လို့ ကြယ်လေးပြောချင်ပေမဲ့ အသံမထွက်ခဲ့ဘူး။ လင်းလက်က ငှက်ခြင်းလေးကို ကိုင်ထားပေးတယ်။ ကြယ်လေးငှက်ခြင်းကို အာယူပြီးဖွင့်လိုက်တယ်။ ဒါပေမဲ့ ငှက်ခြင်းလေးက ပွင့်မလာခဲ့ ပါဘူး။ လင်းလက်က ငှက်ခြင်းလေးကို ကူပြီး ဖွင့်ပေးခဲ့တယ်။ ကြယ်လေးလေ ကိုကို့အတွက် ယတြာမပြီးမှာ အရမ်းစိတ်ပူမိတယ်။ အခုငှက်ခြင်းလေး ပွင့်သွားပြီ .....ထို့အတူ ကြယ်လေးလည်း........................................................။
အခုဆိုရင် ငှက်လေးတွေပြန်သွားတာ ၂၉ ကောင်ပြည့်သွားပြီ အဲ့ဒီငှက်ကလေးတွေရဲ့ နောက်မှာ ငှက်ဖြူလေးတစ်ကောင်ကို တွေ့လိုက်တယ်။ လင်းလက်လည်း မျက်ရည်စိုရွဲနေတဲ့ ပါးနှစ်ဖက်ကို သုတ်ရင်း အဲ့ဒီငှက်ဖြူလေးကို နာကျင်စွာနဲ့ ကြည့်နေမိတယ်။ ငှက်ဖြူလေး ဘယ်ကို ပျံသန်းသွားမယ်ဆိုတာ သူသိနေတယ်လေ။ ....ကြယ်လေးရယ် နင်ပြောသလို ကြယ်လေးတွေ ကြွေနေတာကို မြင်ရရင်ဆုတောင်းပြည့်မယ်ဆိုရင်လည်း နင့်အတွက်ငါဆုတောင်းပေးချင်ပါတယ် ဟာ။ နင်ဘယ်တော့မှ ဒီလို အဖြစ်မျိုးနဲ့ မကြုံတွေ့ပါစေနဲ့သူငယ်ချင်းရယ်။ ငါအမြဲဆုတောင်း ပေးနေမှာပါဟာ။ နင့်ကိုကိုကတော့လေ ကြယ်လေးတစ်ပွင့်ကြွေတာကို ဘယ်တော့မှ သတိထားမိမှာမဟုတ်ပါ ဘူးလေ။ ဘာဖြစ်လိုလဲဆိုတော့ ကြယ်တွေကများလွန်းလို့လေ။။