ကျွန်မဘ၀မှာ ကျွန်မအကြောက်ဆုံး တစ်ခုရှိတယ်။ အဲ့ဒါက ကျွန်မချစ်တဲ့သူတွေ ကျွန်မကို ခွဲခွာသွားမှာကို ကျွန်မအကြောက်ဆုံးပဲ။ ကျွန်မလေ ကလေးဘ၀ထဲက အခုထိ ဘုရားမှာ ဆုတောင်းရင် အမြဲတမ်းဆုတောင်းမိတာ တစ်ခုက (ကျွန်မ ချစ်တဲ့သူတွေ ကျွန်မကို မခွဲခွာသွားမီ ကျွန်မ အရင်လူလောကကြီးမှ ထွက်ခွာသွားရပါလို့၏ ) လို့ အမြဲတမ်းဆုတောင်းတယ်။ ကျွန်မ အဘွားက ကျွန်မကို (သမီးလေး ဘုရားရှိခိုးတဲ့အခါ ဘာဆုတောင်းလဲလို့ ကျွန်မကို မေးတယ်)။ ကျွန်မဆုတောင်းကို ပြောပြတဲ့အခါ အဘွားက သမီးလေး အဲ့ဒီလို့ ဆုမတောင်းကောင်းဘူးတဲ့။ ဒါပေမယ့်လည်း ကျွန်မဆက်ပြီး ဆုတောင်းနေမိတယ်။ ကျွန်မကို ထားခဲ့မှာ အရမ်းကြောက်တယ် လေ။ နောက်ဆုံးတော့ ကျွန်မချစ်တဲ့သူတွေက ကျွန်မကို သေကွဲသော်လည်းကောင်း၊ ရှင်ကွဲသော် လည်းကောင်း ခွဲခွာသွားကြတာပဲလေ။ ဆုတောင်းတိုင်းသာပြည့်မယ်ဆိုရင် လူတွေမှာ ၀မ်းနည်း ခြင်း၊ ဆုံးရှုံးခြင်း၊ စိုးရိမ်ကြောင့်ကြရခြင်း၊ ပူပင်သောကတွေဆိုတာ ဘယ်ရှိတော့မလဲနော်။
အခုဆို လူတစ်ယောက် ကျွန်မကို ခွဲခွာသွားတော့မယ်ဆိုတာ ကြိုသိနေပေမယ်လည်း တကယ်တမ်းခွဲခွာသွားတော့ ကျွန်မခံနိုင်ရည်မရှိခဲ့ဘူး။ ကျွန်မ မငိုတဲ့နေ့ဆိုတာ မရှိသလောက်ပါပဲ။ အဲ့ဒီလူနဲ့ ပတ်သက်တဲ့အကြောင်းတွေ ပြန်စဉ်းစားမိတဲ့အခါ မျက်ရည်တွေက သူအလိုလိုကျလာ တော့တာပဲ။ ကျွန်မရဲ့ရင်ထဲမှာ နာကျင်မှုတွေနဲ့ပဲ ပြည့်နေတယ်လေ။ အဲ့ဒီနာကျင်မှုတွေကလည်း သူပေးခဲ့တာ မဟုတ်ပါဘူး။ ကျွန်မဘာသာရယူနေတာပါ။
လူတွေဆိုတာ မျှော်လင့်ချက်နဲ့ အသက်ရှင်နေကြတာမို့လား။ တစ်ချို့ကြတော့ မျှော်လင့်ချက်အကြီးကြီးထားကြတယ်။ တစ်ချို့ကြတော့လည်း အလယ်အလတ် ပေါ့။ တစ်ချို့ကြတော့ မျှော်လင့်ချက်သေးသေးလေးပဲရှိတယ်လေ။ အဲ့ဒီလို့မျှော်လင့်ချက်သေးသေး လေးထားတဲ့အထဲမှာ ကျွန်မလည်းပါတယ်လေ။ အဲ့ဒီမျှော်လင့်ချက်သေးသေးလေးက ကျွန်မဘ၀ အတွက်တော့ အရမ်းအရေးကြီးတယ်လေ။ ကျွန်မဘ၀မှာ အမှတ်တရလေးတစ်ခု ရှိနေချင်လို့ပါ။ ဒါပေမယ့်လည်း အဲ့ဒီမျှော်လင့်ချက်သေးသေးလေးတောင် ကျွန်မ မရခဲ့ပါဘူး။ အဲ့ဒါက ဘာလဲဆိုရင်..................................။
ကျွန်မအရမ်းကို အလေးထားရတဲ့လူတစ်ယောက် ခရီးသွားတယ်လေ။ ကျွန်မ သူကို လက်ဆောင်လေးတစ်ခုမှာလိုက်မီတယ် ( တန်ဖိုးကြီးကြီးလည်း ကျွန်မ မမှာပါဘူး)။ လက်ဆောင် လေးဆိုရင်ပဲ တော်ပါပြီ ( ကျွန်မ သူ့ဆီက လက်ဆောင်ကို အရမ်းကို လိုချင်လို့ အရဲ့စွှန့်ပြီး မှာလိုက်တာ)။ ကျွန်မမှာ အမှတ်တရလေး ရှိနေချင်လို့ပါ။ သူ့အတွက်လည်း ကျွန်မ လက်ဆောင် လေး ပြန်ဝယ်ထားမိတယ်။ ကျွန်မကိုပေးရင် ကျွန်မပြန်ပေးမယ်ပေါ့။ သူ့မှာလည်း အမှတ်တရ လေးရှိနေစေချင်တယ်လေ။ ကျွန်မအတွက် ဘာလေးဝယ်လာမလဲဆိုတဲ့အတွေးနဲ့ ကျွန်မ အရမ်း ကို ပျော်နေပြီး မျှော်လင့်နေမိတယ်။ ဒါပေမယ့် တကယ်တမ်းကြတော့ ကျွန်မအတွက် ပါမလာ ခဲ့ဘူး။ ကျွန်မ မေးတဲ့အခါ ပြန်ဖြေတဲ့အဖြေက အရမ်းကို ပေါ့လွန်းတယ်။ ကျွန်မအရမ်းကို ၀မ်းနည်း ခဲ့ရတယ်။ ကျွန်မဒီလောက် အလေးထားရတဲ့ လူတစ်ယောက်က ကျွန်မကို လက်ဆောင်သေးသေး လေးပေးရမှာတောင် အရမ်းကို ၀န်လေးနေတယ်လေ။ နောက်ဆုံးအနေနဲ့ လက်ဆောင်လေး တစ်ခုတောင် ငါကို မပေးချင်ပါလားဆိုတဲ့ အတွေးနဲ့ ကျွန်မငိုခဲ့ရတယ်လေ။ ဒါပေမယ့် ကျွန်မ သူကို စိတ်မဆိုးခဲ့ပါဘူး။ သူ့အကြောင်းကိုသိရက်နဲ့ မှာလိုက်တဲ့ ကိုယ်ကို့ကို အရမ်းစိတ်ဆိုး မိတယ်။ တကယ်လို့ ပါမလာခဲ့ရင် ခံနိုင်ရည်ရှိမှာ မဟုတ်ဘူးဆိုတာ သိရက်နဲ့ မှာလိုက်တဲ့ ကိုယ်ကို့ကိုလည်း အရမ်းစိတ်ဆိုးတာပဲ။ အခုဆို သူ့အတွက်ဝယ်ထားတဲ့ အမှတ်တရလေးဟာ ကျွန်မအတွက် အမှတ်တရဖြစ်နေပြီလေ။
ကျွန်မအကြောက်ဆုံးဖြစ်တဲ့ ခွဲခွာခြင်းကိုလည်း ကျွန်မကြုံနေရပြီလေ။ ကျွန်မ ဆုတောင်း တွေ ဘာတစ်ခုမှ မပြည့်ခဲ့ပါဘူး။ ကြယ်ကြွေတာမြင်ရင် ပျော်နေတတ်တဲ့ ကျွန်မ။ အခု ကျွန်မ ဒီ article လေး ရေးနေတဲ့အချိန်မှာ ကြယ်တစ်လုံးကြွေကျသွားတာ ကျွန်မ လှမ်းမြင်လိုက်ပေမယ့် အရင်လို့ မပျော်မိတော့ဘူး။ ကြယ်လေးကြွေကျသွားတာကို ကြည့်နေရင် ကျွန်မရဲ့ပါးပြင်ကို ပြန်စမ်းမိတဲ့အခါ မျက်ရည်တွေနဲ့ ပြည့်နေပြီလေ။ ကြယ်ကြွေတာမြင်နေပေမယ်လည်း သူနဲ့ပတ်သက်ပြီး ကျွန်မ ဆုတောင်းနေကြ စကားလုံးတွေ တကယ်ကို ပျောက်နေပြီလေ။ ကျွန်မ ဆုမတောင်းရဲ့ တော့ဘူး။
အခုဆို ကျွန်မ ပျော်ချင်ယောင်ဆောင်နေတတ်ပြီလေ။ အဲ့ဒီအပျော်ရဲ့ နောက်ကွယ်မှာ နာကျင်မှုတွေနဲ့ ပြည့်နေတာ ကျွန်မက လွဲလို့ ဘယ်သူက သိနိုင်မှာလဲ...........။
ဆောင်းနှင်းဖြူ
Subscribe to:
Post Comments (Atom)
No comments:
Post a Comment